Скандинавските земји забележаа скоро рекордни температури за време на викендот, вклучително и највисока температура од 34 степени во некои области.
Откако Финскиот национален метеоролошки институт ја регистрираше највисоката температура во јуни, најновите податоци се забележани од почетокот на бележењето во 1844 година. Кево во Лапланд забележа температура од 33,6 степени во неделата и тоа е најтоплиот ден од 1914 година кога властите регистрираа 34,7 степени
Неколку делови на Шведска исто така објавија рекордни максимални температури за јуни. Високите температури се придружени со рекордна топлина и пожари кои предизвикаа пустош во делови на Северна Америка.
Интензивниот топлотен бран уби 95 лица само во американската држава Орегон, изјави во неделата неговиот гувернер. Се тврди дека стотици луѓе починале од топлината во северозападниот дел на САД и југозападот на Канада.
Експертите и официјалните лица стравуваат дека катастрофалните услови, поттикнати од климатската криза, само ќе се влошуваат во следните месеци. Професорот по метеорологија Мајкл Ридер од австралискиот универзитет во Монаш изјави дека настаните на европскиот и северноамериканскиот континент се поврзани.