Пратеничката од СДСМ Славјанка Петровска преку својот профил ја коментираше состојбата со пожарите.
„Срам да ви е на неспособноста навремено да го активирате НАТО механизмот и да побарате поддршка за гаснењето на пожарите. Срам да ви е на неспособноста да управувавате со системот за кризи, таков каков што е. Срам да ви е што лажете и не кажувате дека и МВР и Армијата изминатите години ги зголемија своите капацитети за ваква намена. Срам да ви е за лицемерието да се сликате со пожарникарите, полицајците, припадниците на Армијата и сите кои учествуваат во гаснењето, а да гласате против амандманот за нивна парична награда.
Срам да ви е за лицемеритето да зборувате за што треба да се направи, ама да гласате против амандманот за зголемување на платите на пожарникарите. Срам да ви е за неспособноста да ја спроведете реформата за системот за управување со кризи која е подготвена од експерти. Срам да ви е како власт да плукате по сите, ама вие по цели денови да сликате и да си терате лични агенди. Ама за да ви е срам, треба да има чувство на одговорност, а вие тоа го немате. ДПМНЕ плачковци“ вели Петровска во својот статус.