Enyaq дебитираше пред речиси 3 години. Оттогаш, овој модел доби неколку подобрувања, вклучително и софтверски зголемена моќност развиена од електричните мотори, а батеријата е прилагодена за да овозможи поголема автономија. Таква е најновата верзија со ознака Enyaq 85, која го заменува моделот Enyaq 80, а бројот го означува капацитетот на батеријата.
Чесите веќе размислуваат за следната генерација, која, доколку се верува на гласините, би можела да дебитира во 2028 или 2029 година. Клаус Зелмер, извршен директор на брендот во Млада Болеслав, потврди дека новиот Enyaq ќе се развива на нова архитектура. Станува збор за платформата SSP развиена од Volkswagen, која ќе овозможи поголеми брзини на полнење, но и ќе биде подостапна. Така, цената на автомобилот ќе биде пониска.
Секако, новата генерација на Enyaq ќе биде помоќна од сегашниот модел и ќе може да поминува подолги растојанија со полна батерија. Сè уште е рано да се зборува за изгледот, но постои голема веројатност овој модел да биде во склад со новиот дизајнерски јазик на Skoda наречен Modern Solid, кој беше претставен со концептот Vision 7S.
Enyaq инаку постигнува одлични продажни резултати. За девет месеци од оваа година Чесите продале над 54.000 примероци.