Snapchat лансираше нова функција наречена Home Safe, која испраќа известувања до избрани контакти. Овие известувања може да се испраќаат до луѓе со кои веќе ја споделувате вашата локација, а бидејќи функцијата е исклучена по дифолт, треба да ја овозможите во Snap Maps за сите или само за некои од вашите пријатели. Вашите пријатели ќе го добијат известувањето само еднаш, по што ќе биде исклучено.
Home Safe звучи особено корисно ако вие и вашите пријатели веќе имате навика да си испраќате пораки откако ќе излезете или да им кажувате на вашите родители дека сте пристигнале дома безбедно. За да ја овозможите функцијата, допрете го вашето Bitmoji на Snap Map, потоа допрете My Home за да ја поставите вашата домашна локација. После тоа, секогаш кога сакате да испратите известување до некого дека сте пристигнале дома безбедно, само отворете разговор, допрете ја иконата Map, а потоа допрете го копчето Home Safe.
Snapchat нуди споделување на локација веќе долго време и со текот на годините ја надградува својата безбедносна функција. Споделувањето на локација во реално време, кое им овозможува на корисниците да ја споделат својата прецизна локација со пријателите, беше воведено во 2022 година. Минатата година, во Family Center беа воведени нови можности за следење на локацијата, овозможувајќи им на родителите да бидат известени ако нивното дете го напуштило домот или училиштето.