Бурата Берт донесе снег, обилен дожд и силни ветрови во делови на Велика Британија, што предизвика нарушување на сообраќајот. Поради невремето издадени се предупредувања за времето, како и 13 предупредувања од можни поплави.
Снег паѓа во Јоркшир и североисточна Англија поради што сообраќајот се одвива отежнато. Исто така откажани се и неколку клучни железнички рути, а граѓаните се предупредени да ги избегнуваат патувањата на север.
Жолто предупредување за снег и мраз е во сила во делови од Шкотска.
Додека за јужниот дел на Англија предупредувања за силен ветер се во сила до утревечер.
Најмалку 60.000 домаќинства, фарми и бизниси во Ирска останаа без електрична енергија поради бурата, соопшти компанијата за дистрибуција на електрична енергија ЕСБ Нетворкс.