Според Светска Банка Македонија ја очекува рецесија, СДСМ ја влече земјата во банкрот и секоја година долгот поголем од растот за над 100 милиони евра, обвинија утрово од ВМРО-ДПМНЕ.
Од таму додаваат дека „за разлика од СДСМ, ВМРО-ДПМНЕ води европска политика, втемелена на демократски принципи“.
-Идната влада на ВМРО-ДПМНЕ ќе го намали данокот на добивка и персоналниот данок на доход на стапка до 8%, и ќе обезбеди даночна предвидливост. 250 милиони евра ќе завршат годишно во општините како капитални проекти преку Министерството за Транспорт и врски. Нема да има општина во Македонија која нема да се развива. Ќе се развиваат и малите и големи општини, и во источниот и во западниот дел од државата. ВМРО-ДПМНЕ акцент ќе стави на инфраструктурата и на изградба автопатите од Гостивар до Кичево и Велес до Меџитлија, стои во соопштението од „Белата палата“.