Одбележувањето на годишнината од нападот на 11 септември на местото на Светскиот трговски центар во Њујорк започна со ѕвонење на камбаните и минута молчење, точно 20 години од почетокот на најсмртоносниот терористички напад на американско тло.
Претседателот Џозеф Бајден, поранешните претседатели Барак Обама и Бил Клинтон, поранешната државна секретарка Хилари Клинтон, членови на Конгресот и други официјални претставници, заедно со голем број роднини на жртвите, го посетија Меморијалниот плоштад во Њујорк – споменик поставен на местото на Светскиот трговски центар кој беше погоден од два киднапирани авиони.
SPECIAL REPORT: Today marks 20 years since the September 11 terror attacks. Norah O'Donnell is leading CBS News' coverage from Ground Zero, featuring conversations with survivors and broadcasting memorials across the U.S. https://t.co/LaZCibIqoz https://t.co/G8zaOPvZed
— CBS News (@CBSNews) September 11, 2021
Во 8.46 часот по њујоркшко време , со минута молчење беше означен моментот кога се урна првиот авион, а роднините на загинатите ги прочитаа имињата на 2.977 жртви, што е традиција на комеморацијата во Њујорк, објави „Гласот на Америка“.
Полицискиот оркестар во Њујорк ја отсвири старата американска народна песна „Hard Times Come Again No More“, додека рок sвездата Брус Спрингстин изведе акустична верзија на песната „I’ll See You in My Dreams”.
На церемонијата присуствуваше и Рудолф Џулијани, кој беше градоначалник во моментот на нападот, додека поранешниот американски претседател Доналд Трамп не се појави на собирот, информира Гласот на Америка.
Комеморации се одржуваат и на две други локации каде што терористите соборија киднапирани авиони на 11 септември – во Пентагон и во полето во близина на Шенксвил, Пенсилванија.
#September11 20 years on from the terror attacks on the #WorldTradeCenter we remember all those who lost their lives & those that live with the reminders 🕯️
"People around the world mark the 20th anniversary of the 9/11 attacks"
https://t.co/TYxqFnBlDb— Sue W. (@SueW251161) September 11, 2021
Бајден ќе им оддаде почит на жртвите на сите три локации, а поранешниот претседател Џорџ В. Буш ќе зборува на церемонијата во Пенсилванија.
Американските претседатели често патуваат на едно од трите места на нападите, но не е вообичаено да се посетат сите три, додава Гласот на Америка.
„Претседателот смета дека е важно да се посети секое од тие три места за да им се оддаде почит на повредените и жртвите од тој ден“, рече во петокот портпаролката на Белата куќа, Џен Псаки.
Според планот за комеморација, претседателот Бајден нема да одржи говор на ниту една од локациите на терористичките напади на 11 септември.
Наместо тоа, во петокот беше објавено видео во кое ја повика нацијата на „смиреност и размислување“.
„Единството не прави она што сме – Америка во најдобро светло. За мене, тоа е најважната лекција на 11 септември. Кога бевме во најтешкиот момент, направивме се што не прави луѓе. Во борбата за душата на Америка, единството е нашата најголема сила“, рече Бајден во видео пораката.