За време на овогодинешниот „црн петок“ американските граѓани потрошиле рекордни 9,12 милијарди долари, исклучиво на онлајн купување, покажуваат податоците на компанијата Adobe.
Онлајн трошењето се зголеми за 2,3 отсто тој ден, пред се благодарение на потрошувачите кои чекаат попусти, соопшти филијалата на компанијата, „Adobe Analytics“.
Самата „Adobe Analytics“, која ја мери е-трговијата со анализирање на трансакциите на веб-локациите, има пристап до податоците кои ги покриваат купувањата на 85 од 100-те најдобри онлајн трговци на мало во САД.
Пред тоа, се предвидуваше дека продажбата на црниот петок ќе порасне за скромни 1 процент.
„Adobe“ очекува „Cyber Monday“ повторно да биде најголемиот ден за онлајн шопинг во сезоната, со 11,2 милијарди долари трошење.
Се очекуваше потрошувачите да се собираат во продавниците откако пандемијата влијаеше на купувањето во продавниците во последните две години, но продавниците забележаа помал сообраќај од вообичаеното утрото на црниот петок со спорадични врнежи од дожд во некои делови од земјата.
Американците се свртеа кон паметните телефони за да го направат својот празничен шопинг, при што податоците од „Adobe“ покажуваат дека купувањето преку мобилни телефони сочинува 48 проценти од целата дигитална продажба на црниот петок.