Едноставна и лесна за подготовка, оваа торта е идеална за подготовка дури и за најголемите почетници.
Oва е десерт кој се подготвува во еден сад, се пече брзо и се јаде уште побрзо – со лажица.
Тестото за оваа торта брзо се соединува со минимален напор, користејќи основни состојки и мал грст бобинки – замрзнати или свежи.
Ако користите замрзнати јагоди, задолжително прво одмрзнете ги. Исцедете што е можно повеќе сок од овошјето за да му дадете дополнителна влажност на колачот за време на печењето.
Додадете свежо мелен кардамон или мелен ѓумбир одозгора пред печењето, ако сакате, или малку свеж босилек кога е топол надвор од рерната.
Потребни состојки:
115 грама несолен, стопен путер, плус уште малку за подмачкување
145 грама замрзнати и одмрзнати или свежи, исчистени јагоди
150 грама светло-кафеав шеќер
120 милилитри полномасно млеко, собна температура
½ лажичка сол
130 грама повеќенаменско брашно
1 лажичка прашок за пециво
Сладолед од ванила, за сервирање
Подготовка:
Загрејте ја рерната на 180 степени. Садот за печење со дијаметар од 20 см, квадрат или кружен, намачкајте со путер.
Со рацете или со задниот дел од вилушката, изгмечете ги јагодите за да се ослободи целиот сок и измешајте ⅓ чаша кафеав шеќер. Оставете ги на страна.
Во средна чинија изматете го растопениот путер, преостанатата ⅓ шолја кафеав шеќер, млекото и солта, потоа додадете ги брашното и прашокот за пециво и продолжете со мешањето додека тестото не се изедначи. Тестото префрлете го во подмачкан сад за печење и рамномерно распоредете го по аглите.
Врз тестото со лажица распоредете ги јагодите и целиот нивен сок. Ставете ја во рерна и печете 20 до 25 минути или додека чепкалка за заби не излезе чиста од центарот. Извадете го од рерната и оставете да се олади 3 до 5 минути пред да го ставите со лажица во чинии.
Послужете топло со сладолед.
На здравје!