Инфлацијата во Германија се покажа посилна отколку што очекуваа економистите, покажуваат прелиминарните податоци на Федералниот завод за статистика, пренесува dpa.
Имено, во јули потрошувачките цени пораснаа со годишна стапка од 2,3 отсто, повеќе од очекувањата на економистите и економските институти.
Во претходниот месец стапката беше 2,2 отсто. Во мај, инфлацијата од 2,4 отсто стави крај на повеќемесечното забавување.
Економистите предвидуваа продолжување на трендот кон стабилни цени. На пример, институтот Ifo во својот претходен месечен извештај изјави дека сè помалку малопродажни компании планираат нагорни корекции на цените.
И покрај скокот на инфлацијата, вртоглавите поскапувања во претходните две години поминаа.
Водечките економски институти очекуваат просечна стапка на инфлација од 2,3 отсто оваа година, по 5,9 отсто во 2023 година.
Осцилациите на ценовните движења кон смирување, економистите ги припишуваат на растот на платите, кој досега најмногу ја покриваше инфлаторната загуба. Закрепнувањето на заработката ја зголемува побарувачката, што пак влијае на цените.