Американските власти претпоставуваат дека Иран планира да ѝ предаде на Русија до неколку стотици беспилотни летала.
Ова го изјави помошникот на американскиот претседател за национална безбедност, Џејк Саливан.
„Нашите информации покажуваат дека иранската влада се подготвува да ѝ обезбеди на Русија до неколку стотици беспилотни летала, вклучително и беспилотни летала способни да носат оружје“, рече Саливан.
Тој, исто така, тврди дека САД наводно имаат информации дека Иран планира да обучи руски експерти да ги користат тие авиони.
„Првите фази на обука треба да започнат во јули“, додаде Саливан.
Саливан не прецизираше од каде Вашингтон ги добил таквите информации, ниту пак дал докази за тоа.
Во таа прилика тој нагласи дека САД ќе продолжат да помагаат во одбраната на Украина.