Иако е-трговијата цветаше во 2020 година, додека некои гранки претрпеа последици од пандемијата, како што се салоните за убавина, американскиот гигант сепак сака да се испроба на тој свет.
Имено, Амазон објави дека планира да го отвори својот прв фризерски салон во источен Лондон, што е дел од мисијата да истражува нови насоки за развој на бизнисот, а истовремено да промовира некои артикли што ги продава на својата платформа.
Звучи исклучително интересно што гигантот ја избра оваа линија на деловни активности, како нови во својата 27-годишна историја. Салонот ќе се вика Амазон, а според Си-Ен-Би-Си, тој ќе се простира на два ката во една зграда во Спајтелфилдс, модерна населба, близу до градот Лондон, која е позната по своите трговски центри и ресторани.
Исто така е невообичаено за западот што салонот на Амазон ќе работи седум дена во неделата. Просторот од околу 140 квадратни метри, помалку од пет минути пешачење од седиштето на Амазон во Велика Британија, е доволен за околу 5.000 луѓе, а првично ќе работи само за вработените во Амазон.
Другите ќе можат да резервираат термин во „следните недели“, по телефон, е-пошта или на самото место. Патем, фризерите повторно работат со полно работно време во Велика Британија, но тешко е да се закаже слободен термин. Амазон секако ја користи таа околност мудро.
Цените на услугите во салонот Амазон ќе бидат дополнително објавени, а компанијата исто така наведува дека салонот ќе се користи за испробување на голем број нови технологии за нега на коса.