Во дождовната Белгија температурите ретко се толку високи, за да ти се стопи чоколадото, но во посета на Шангај пред пет години научникот Фредерик Дипере разбрал дека лакомството брзо може да се претвори во каша.
“Мислев дека ако сакаме да извеземе даден производ во земји како Кина и Индија, треба да промениме нешто”, вели Дипере кој раководи истражување на еден од најголемите производители на чоколадо во светот “Barry Callebaut”, пишува “Блумберг “.
По години на истражување научникот денес вели дека е подготвен да започне продажба на чоколадо, кое се топи во устата, а не во рацете. Неговиот тим може да направи чоколадо, кое останува во цврста состојба и на 38-степени жега. Тој требало да побрза, бидејќи многу од конкурентите работат на слични проекти. Индустријата се стреми да најде начин да ги отклучи потенцијалните добивки за милијарди долари во земји со топла клима.
Пазарот на чоколадо во азиско-пацифичкиот регион, Латинска Америка, Блискиот Исток и Африка ќе порасне за повеќе од 50 отсто до 48 милијарди долари до 2019 година, во споредба со 15 отсто продолжување до 74 милијарди американски долари во Западна Европа и Северна Америка, прогнозира “Euromonitor”.
За пет до десет години чоколадото отпорно на топлина ќе биде поважно од традиционалното чоколадо во Блискиот Исток и Африка, бидејќи тие ја немаат потребната клима, за да го задржат во нормална, нерастопена состојба.
Од компанијата тврдат дека може да почнат да продаваат производи кои се топат на 37,8 степени и имаат текстура на класично чоколадо во рок од две години.
Патот кон трајните чоколади започна пред неколку децении. Од 1970 година има повеќе од 90 патенти поврзани со темата, половина од нив се во последните 20 години.