SpaceX го смени начинот на кој размислуваме за лансирање на ракети со употреба на ракетни засилувачи за повеќекратна употреба, а сега компанијата достигна нова пресвртница кога го собори својот рекорд по број на лансирања во една календарска година, пишува DigitalTrends. Претходниот рекорд беше 31 лансирање во 2021 година, но во петокот, 22 јули, компанијата ја започна својата 32-ра мисија годинава.
32-то лансирање користеше ракета Falcon 9 за да носи серија од 46 сателити Starlink дизајнирани да обезбедат глобален широкопојасен интернет пристап.
Дури и без лансирањето во рамки на Starlink, SpaceX имаше многу други мисии за да ја задржи компанијата зафатена. Благодарение на партнерството со НАСА, SpaceX периодично испраќа Dragon капсули, со товар и луѓе, до Меѓународната вселенска станица. Компанијата има и свои транспортер мисии. И покрај сето тоа, SpaceX нуди и услуги за комерцијални летови, како и лансирања за Министерството за одбрана.
SpaceX собори и неколку други рекорди оваа година. Во март оваа година, засилувачот Falcon 9 полета на својата дванаесетта мисија, поставувајќи нов рекорд. Исто така, неодамна еден „бустер“ полета на својата тринаесетта мисија, докажувајќи дека тие се уште поотпорни од првичните проценки.
Долгогодишната цел на SpaceX за повторна употреба на засилувачи беше да лета со еден за 10 мисии, што сега е значително надминато.