Србија елиминирана во осминафиналето на ЕП!

Кошаркарската репрезентација на Србија со шокантен пораз во Берлин Арена го заврши сонот за злато на ЕП 2022.

Србите кои важеа за топ фаворит на континенталниот собир групната фаза ја поминаа со перфектни „пет од пет“, но не можеа да се спротивстават на италијанската „артилерија“ која по 16 постигнати тројки славеше со 86-94.

Најефикасен во селекцијата на Италија со 22 поени беше Марко Спису, Николо Мели додаде 21, а 19 постигна Симоне Фонтекио.

Италија во четвртфиналето ќе игра против Франција.