43
Европската унија размислува да ја прекине финансиската помош за Грузија откако во четвртокот стапи на сила законот за „странски агенти“, изјави денеска портпаролот на Европската комисија Петер Стано за „Европа Прес“.
Стано истакна дека ЕУ веќе замрзнала 30 милиони евра планирани за воена помош преку Европскиот мировен механизам, откако САД во јули престанаа да испраќаат помош од 95 милиони долари.
Тој рече дека усвојувањето на контроверзниот закон е „чекор назад“ кога станува збор за европската интеграција на Грузија, додавајќи дека блокот веќе ја намали соработката со Тбилиси, освен кога станува збор за решение на оваа ситуација.