223
Денеска Европската унија ги повика сите партнери во светот да го проверат потеклото на храната што ја купуваат од Русија и да не прифаќаат ништо што наводно е украдено од украинска територија.
„Знаеме дека Русија, пред да уништи, краде и залихи на украинско жито. Знаеме и дека тие се обидуваат да извезат украдено жито, како што беше случајот со Египет, кој одби“, рече портпаролот на ЕУ, Петер Стано.
Стано на прес-конференција во Брисел изјави дека ЕУ не е воена алијанса за да може да го контролира извозот преку Црното Море, но може да пристапи и до информации и да ги информира партнерите ширум светот за обидите на Русија да извезува украдено жито на светските пазари.