Портпаролот на Европската унија Петер Стано денеска изјави дека Приштина, како меѓународна обврска, го презела создавањето на Заедницата на српските општини и дека на Приштина е да ја спроведе оваа обврска.
Стано не ги коментираше условите кои премиерот на Косово Албин Курти ги постави еден ден претходно за формирање на ЗСО.
Во оваа насока, тој само истакна дека се неопходни конкретни чекори за подобрување на процесот на дијалог за нормализација на односите меѓу Белград и Приштина.
Можам само да ја повторам итноста што ЕУ ја придава на подобрување на дијалогот и имплементација на постигнатите договори, а формирањето на Асоцијацијата е еден од нив“, подвлече Стано во писмената реакција за РТК.
Тој потврди дека ставот на Брисел за формирање на Заедницата на српските општини на Косово останува непроменет и дека неколку пати е повторен во јавноста.