Стано: Во наредните денови ќе се преземат првите чекори за да започне имплементацијата на договорот од Охрид

Портпаролот на Европската унија, Петер Стано денеска најави дека во наредните денови институциите на ЕУ заедно со Белград и Приштина ќе го започнат процесот на операционализација на првите чекори од фазата на имплементација на Охридскиот договор.

За приштински ТВ1, тој рече дека историјата на дијалогот докажала дека важноста на договорот се мери според степенот на неговото спроведување, а не според потписот.

Стано ги повтори зборовите на високиот претставник на ЕУ за надворешна политика и безбедност, Жосеп Борел, дека договорот е договорен, дека мора да се спроведе и дека „нема простор за избор“.