Британскиот премиер Сер Кир Стармер им порача на светските лидери дека Владимир Путин ќе мора „порано или подоцна да седне на маса“ со нив. На виртуелниот состанок на „коалицијата на волните“, Стармер повика на дополнителна поддршка за Украина и зголемен притисок врз Русија.
Говорејќи на виртуелен самит, Стармер рече дека обезбедувањето мир во Украина ќе бара „зајакнување“ на одбраната на земјата со финансирање и други форми на поддршка.
Тој, исто така, нагласи дека идниот договор за прекин на огнот ќе бара од сојузниците на Украина да бидат „подготвени сами да го бранат каков било договор, преку коалиција на подготвените“.
Стармер додаде: „Ако Путин е сериозен за мирот, работата е многу едноставна – тој мора да ги прекине своите варварски напади врз Украина и да се согласи на прекин на огнот“.
Потоа побарал камерите да ја напуштат просторијата за да може средбата да продолжи зад затворени врати, јавува Би-Би-Си.