Автомобилската компанија Stelantis, која ги произведуваше и продаваше марките Peugeot, Citroen, Opel, Jeep и Fiat во Русија, денеска објави дека го прекинала производството во својата руска фабрика поради логистички проблеми и санкциите наметнати на Москва.
Stelantis, четвртиот најголем производител на автомобили во светот, кој поседува заедничко вложување со јапонскиот производител на автомобили Mitsubishi во градот Калуга, околу 195 милји југоисточно од Москва, имаше 1,0 отсто удел од рускиот пазар на автомобили пред да се затвори фабриката во април, објави Ројтерс.
„Со оглед на брзото секојдневно зголемување на вкрстените санкции и логистичките тешкотии, Stelantis ги прекина своите производствени операции во Калуга за да обезбеди целосно усогласување со сите санкции и да ги заштити своите вработени“, се вели во соопштението на компанијата.