Претседателот на Народното собрание на Република Српска, Ненад Стевандиќ, денес во Бања Лука изјави дека мирот, стабилноста и дијалогот мора да бидат приоритет во регионот на Западен Балкан, што е цел на српскиот народ.
„Ова е и основната порака на Парламентарниот форум Србија – Република Српска. Ние промовираме политика на мир и дека сите во регионот треба да постигнат договор“, изјави Стевандиќ пред новинарите на Парламентарниот форум Србија – Република Српска.
Тој истакна дека во некои земји, со цел да се предизвика раздор меѓу народите, се формираат непринципиелни воени сојузи и се промовираат политики што потсетуваат на лоши времиња.
„Затоа, потребно е да се зачува стабилноста на регионот на Западен Балкан. Сакаме да промовираме политика на мир, договор, соработка и решавање на отворени прашања преку дијалог, а не преку формирање воени сојузи и мешање во внатрешните работи на земјите“, додаде Стевандиќ.