Стотици луѓе денеска маршираа низ центарот на Брисел во знак на протест поради построгите ограничувања против Ковид-19, кои ги воведе белгиската влада со цел да се справи со најновото нагло зголемување на бројот на заразени со коронавирус.
Учесниците на маршот протестираа против мерките објавени во петокот, трета недела по ред, кога владата ги заостри рестрикциите бидејќи последното зголемување на новозаразените со Ковид-19 ги оптоварува здравствените услуги, поради кои заболените од други болести опасни по живот, како што е ракот, не можат да се лечат, објави АП.
Situation tendue à #Bruxelles lors de la manifestation contre le pass sanitaire et les restrictions. #Brussel pic.twitter.com/U1Muh6LIGV
— Anonyme Citoyen (@AnonymeCitoyen) December 5, 2021
Извикувајќи „Слобода! Слобода!“ и носејќи транспаренти на кои пишува „Обединети за нашата слобода, права и нашите деца“, луѓето се упатија кон седиштето на Европската Унија.
Некои носеа транспаренти со критики за вакцините и слогани против вакцините да бидат задолжителни.
Со оглед на најголемиот пораст на случаи кај децата, белгискиот премиер Александар Де Кро во петокот рече дека носењето маска ќе биде задолжително за сите деца на возраст над шест години.
Децата постари од 10 години досега беа обврзани да носат маска.
Massive protests in #Bruxelles right now in front of the European Commission against mandatory vaccine. Protesters were attacked by police with tear gas & water cannons. #Brussels #Belgium#PasseSanitaire #NonALaVaccinationObligatoire #NoGreenPass https://t.co/GTdrdFOO9h pic.twitter.com/Eb491LJRJ3
— 🌎 Sarwar 🌐 (@ferozwala) December 5, 2021
Основните училишта ќе бидат затворени за божиќните и новогодишните празници една недела порано, а средните училишта ќе преминат на хибриден систем, па половина од наставата ќе ја следат од дома.
Собирите во затворени простории се ограничени на 200 лица. Владата претходно ги затвори ноќните клубови и нареди баровите и рестораните да бидат затворени во 23 часот на три недели.
Се шпекулираше дека времето на нивното затворање ќе биде поместено за 20 часот, но Владата засега се одлучи против тоа.