Страшен инцидент и пад на десетици велосипедисти ја одбележаа првата етапа на познатата велосипедска трка „Тур де Франс“.
Инцидентот се случил кога еден навивач, стоејќи настрана, држел транспарент што го „закачи“ Тони Мартин.
Со оглед на тоа што возеа во голема група, сите што беа во „тесно грло“ обидувајќи се да го заобиколат Мартин, едноставно немаа шанса.
Следеше тотална катастрофа кога бројни натпреварувачи завршија на бетонот или беа запрени затоа што не можеа да поминат.
This spectator with a sign caused an enormous crash and pileup during the 1st stage of the Tour de France 😲
pic.twitter.com/3ZC2hfmCqe— Sports ReUp (@SportsReUp) June 26, 2021
Сè се случи на околу 45 километри од целта, а најсилно беше погоден тимот на Џамбо-Визма.
Меѓу оние кои беа во толпата беа Примож Роглиќ, Вут Ван Аерт, Ричи Порт, Енрик Мас, а се проценува дека паднале вкупно шеесет велосипедисти.
Наскоро, лекарите и медицинските екипи излегоа на местото на инцидентот, додека оние што поминаа напред одеа со нешто побавно темпо.
Победата на крајот од првата етапа помеѓу Брест и Ландерно ја однесе францускиот велосипедист Џулијан Алафилип.