Многу пари можат да купат многу работи. Многу, но не се. Така, соништата на милијардерите Ричард Брансон и Џеф Безос за да станат астронаути се залудни, бидејќи НАСА ја заостри дефиницијата за тој термин. Поради новите правила, Џеф Безос и Сер Ричард Бренсон не можат да се наречат астронаути, иако го исполниле условот да летаат на надморска височина од 80 километри.
.Астронаутите мора да бидат дел од екипажот и да дадат научен и придонес во однос на безбедноста на летовите во вселената, се наведува, меѓу другото, во новите правила на Американската федерална администрација за воздухопловство (ФАА).
Ова се првите промени воведени во дефиницијата за поимот „астронаут“ откако ФАА ја воведе дефиницијата во 2004 година.
Воведен е поимот комерцијален астронаут, што подразбира исполнување само на висинскиот услов, што го постигнаа двајцата милијардери.
Измените беа направени во вторникот – истиот ден кога најбогатиот човек на светот, Џеф Безос, полета на работ на вселената со ракетата на „Блу Ориџин“. Девет дена пред него, британскиот милијардер Ричард Бренсон го изврши истиот подвиг летајќи во ракетниот авион „Единство“ на неговата компанија „Вирџин Галакси“.
Како комерцијални астронаути, Безос и Брансон не можат да добиваат официјални ордени од ФАА. Ознаките за астронаути, кои биле прикачени на нивните вселенски костуми по летовите, ги направиле нивните компании и не се официјални ордени.
GeekWire Photos