Популарниот Suzuki Jimny е достапен во Австралија во ново специјално издание, ограничено на само 300 единици.
Тоа е Jimny Heritage, кој, меѓу другото, доби и ретро стикер, па така Suzuki вели дека специјалното издание ја слави „живата историја на моделите 4×4 од 70-тите, 80-тите и 90-тите, кога косата била долга, слободата била сè и кога започна култот на Jimny“.
Така, се издвојуваат портокаловите и розевите/црвените пруги на страните и задниот дел, веднаш до логото на Jimny Heritage со графика на носорог. Стикерите може да се комбинираат со White, Jungle Green, Medium Grey и Bluish Black Pearl боите.
Има и црвени гумени капаци на тркалата со бели букви „Suzuki“, 15-инчни алуминиумски тркала и LED фарови.
Стандардна опрема вклучува кожен волан, 7,0-инчен инфозабавен систем со навигација, задна камера, аудио систем, темпомат, систем за предупредување за напуштање лента…
Моторот е 1,5-литарски бензински мотор со 75 kW/102 КС и 130 Nm вртежен момент, а силата се пренесува на сите четири тркала преку 5-брзински мануелен менувач.