Пожарот во фабриката „Слобода“, во Чачак каде се случија неколку експлозии во саботата вечерта, е главната вест на денот во Србија. Пожарот е изгаснат, населението е евакуирано како претпазливост, а според прелиминарните информации, причината за експлозијата ќе се најде во магацинот за барут каде што започнале пламените јазици.
Утрото по експлозијата, армијата, полицијата и пожарникарите се уште се во Чачак, а пристапот до областа на фабриката не е дозволен. Двајца постари граѓани на Чачак рекоа како изгледа нивниот град по детонацијата.
„Децата дојдоа дома, сега е мирно и моментално спијат“, рече еден постар пар од Чачак во утринската програма на ТВ Прва.
„Бевме со внукот во дворот, скокнавме, тоа само нè крена од земја. Погледнавме нагоре и само имаше чад во воздухот. Останавме дома, не бегавме, а ударот беше посилен од претходниот“, рекоа тие.
Евакуирани се единаесет семејства, односно триесетина граѓани кои преноќиле во хотели, а сите надлежни служби се на лице место.