Израелската актерка Гал Гадот е најпозната по улогата на акционата хероина во филмот „Wonder Woman“.
Гал сега се огласи на Инстаграм за да проговори за војната која започна во нејзината земја во саботата наутро.
„Палестинската воена група Хамас уби најмалку 250 Израелци и држи во заложништво десетици жени, деца и постари лица во Газа. Од раните утрински часови се истрелани повеќе од 3.000 ракети. Хамас држи заложници, контролира бази и населби во Израел. Повеќе од 1.500 луѓе се повредени, а тешките борби се уште траат“, напиша актерката во објавата.
Таа потоа се огласи со уште една објава.
„Јас стојам со Израел, а би требало и вие да го сторите истото. Светот не може да молчи додека се случуваат вакви страшни терористички акти“, напиша актерката.
За потсетување, Гал Гадот претходно мораше да служи војска во својата земја две години, како што налага законот.