Косовскиот претседател Хашим Тачи отпатува за Соединетите држави за да се сретне со претставници на американската администрација, да учествува на дебати и да се сретне со претставници на организации влијателни во надворешната политика на САД, соопштија денеска од претседателството.
Се додава дека Соединетите држави го вратиле вниманието кон Косово и регионот со ангажирање во постигнување на конечен мировен договор меѓу Косово и Србија, како и отворање можности за странски инвестиции и економски развој.
Пред да замине, Тачи рече дека Косово е „среќно“ што САД остануваат посветени на одржување на мирот и стабилноста на Косово и во регионот, додавајќи дека администрацијата на претседателот Доналд Трамп, поддршката на државниот секретар Мајк Помпео и директното учество на амбасадорот Ричард Гренел се „охрабрување за нас“.