Авганистанските талибанци ја повикаа меѓународната заедница итно да обезбеди материјална помош од 1,2 милијарди долари ветена на земјата на виртуелниот самит Г20, изјави портпаролот на талибанското движење, Мухамед Сухаил Шахин.
Претходно денеска талибанците го предложија Шахин за позицијата амбасадор на Авганистан во Обединетите нации.
„Зимата е веднаш зад аголот, така што меѓународната заедница итно треба да го плати неодамна ветениот пакет помош од 1,2 милијарди долари за сите сиромашни, ранливи и раселени луѓе во Авганистан“, напиша тој на Твитер.
1/3
The winter is around the corner, so immediate need for the International Community to disburse on urgent basis the recently announced nearly one-billion-euro (some $1.2-billion) aid package pledged at a virtual G20 summit for Afghanistan , to all poor, vulnerable— Suhail Shaheen. محمد سهیل شاهین (@suhailshaheen1) October 29, 2021
Шахин нагласи дека талибанската влада е подготвена целосно да соработува преку одредени агенции и други невладини организации на терен, пренесе Ројтерс.
Тој рече дека талибанците ја повикаа меѓународната заедница да го поддржи Авганистан со одмрзнување на средства од речиси 10 милијарди долари и продолжување со финансирањето на развојот и проектите ветени на конференцијата во Женева, пренесе Танјуг.
Фото: Алексей Куденко