Мене ми е посебно чест да ви кажам дека после 2009 година, само во 2014тата имало само еден лек, но сега се проширува позитивната листа со 9 нови лекови кои што се скоро неизбежни за повеќето болести во државата, рече министерот за здравство Арбен Таравари при денешната посета на ЈЗУ УК Дигестивната хирургија во Скопје.
Министерот Таравари посочи дека денес ќе ја потпише одлуката за проширување на позитивната одлука.
-Така што ќе имаме нови антихипертензиви, нови антикоагуланси, нови антидепресиви. Јас денеска штом се вратам од тука, ќе ја потпишам, бидејќи во Управниот одбор на ФЗО вчера е поминато по наш предлог на Министерството за здравство. И ова е вест која што вреди да се прошири и каже, а ние ќе продолжиме вака, рече Таравари.
Тој истакна дека после 6 месеци се планира листата дополнително да се прошири со уште неколку лекови.
-Меѓутоа ќе треба со директорот на Фондот да седнеме, да видиме што се можности уште неколку лекови да бидат на позитивна листа и да им олесниме на главните во нашиот ресор, а тоа се пациентите, а сите сме потенцијални пациенти, изјави министерот.