Веќе некое време во медиумите се пишува за блискиот однос на американската актерка, некогашна голема тинејџерска ѕвезда, Линдзи Лохан и саудискиот принц Мухамед бин Салман. Црвенокосата дама на таквите написи не реагираше, ниту имаше намера да ги правда своите приватни забави и чести патувања на Блискиот Исток.
Но затоа сега на оваа тема прозборе нејзиниот татко Мајкл Лохан, кој изјави:
– Тие се само пријатели. Линдзи има многу моќни пријатели на Блискиот Исток бидејќи таму е многу позната и барана. Многу работи и помага во кризата со бегалиците од Сирија, како и други луѓе кои имаат потреба од помош. – вели тој и додава дека меѓу ќерка му и принцот односот е платонски и полн со почит, така што тој воопшто не се плаши кога Линдзи е во посета на таа конзервативна земја.
Мајкл Лохан се осврна и на немилиот настан со исчезнувањето и убиството на новинарот од Вашингтон пост, Јамал Кашоги, со кого го поврзуваа токму саудискиот принц.
– Ништо од тоа не е докажано, Линдзи тврди дека принцот е добар човек. Вели дека се чувствува сигурно и опкружена е со преркасни луѓе. Покрај тоа, таа знае да се избори за себе – заклучува Лохан.