Ерик тен Хаг имаше тешки неколку недели зад себе. Со победата над Ливерпул и пласманот во полуфиналето на ФА Купот, Холанѓанецот барем на одредено време ги прекина гласините за заминувањето од Манчестер Јунајтед.
Иако со денови се зборува дека тој нема да биде на кормилото на тимот од Олд Трафорд следната сезона, се чини дека само така може да се спаси остатокот од сезоната.
Холанѓанецот по натпреварот беше запрашан дали ова е најдобрата победа во неговата кариера.
„Имав многу повеќе добри победи, ве уверувам. Но, ова е момент кој може да ни даде повеќе верба, повеќе енергија за да направиме големи работи. Ако можевме да го победиме Ливерпул како што направивме, тогаш можеме да победиме секого. На нас е да го покажеме, го кажав тоа иво петокот и го покажавме“, јасно кажа Тен Хаг.
Тој е убеден дека овој тим на Јунајтед има светла иднина.
„Јас го кажав тоа пред многу недели, имаме тим за иднината, тоа е многу добро. Можете да го видите тој потенцијал“.