Српското министерство за одбрана му дозволило на Воениот музеј во Белград да изнајмува предмети за снимање и фотографирање, а цената за борбено возило, како тенк, оклопен транспортер или топ, е 50.000 динари (речиси 26200 денари) по ден, објавено е во најновото издание на Службениот воен весник.
Неборбено возило, како камион или џип, ќе се изнајмува за 8.000 динари дневно, униформи и знамиња за 10.000, митралез за 6.000, шлем за 5.000, пушка за 3.500 и пиштол за 2.500 динари.
Закупецот ќе треба да плати 11.000 динари за пиротехничко пукање од митралез, а 8.000 динари од пушка, пишува Службениот воен весник.
Изнајмувањето на сабја од Воениот музеј ќе чини 30.000 динари дневно, медал е 10.000, оклоп 50.000, а најевтино изнајмување е бајонет, само 1.000 динари.
Користењето на уметничка слика или скулптура од Воениот музеј е 30.000 динари дневно, пренесува РТС.