Tesla се соочува со нов безбедносен предизвик откако мораше да повлече дури 239.000 возила поради сериозен проблем со задната камера. Проблемот бил откриен кога било утврдено дека при стартување на автомобилот може да дојде до краток спој на плочката на компјутерот што директно влијае на работата на задната камера.
Повлекувањето вклучува неколку популарни модели на Tesla произведени во последните неколку години:
* Model 3 и Model S произведени помеѓу 2024 и 2025 година
* Model X и Model Y произведени помеѓу 2023 и 2025 година
Иако ситуацијата изгледа сериозна, Tesla вели дека проблемот најверојатно ќе
се реши со едноставно ажурирање на софтверот, што значи дека сопствениците нема да мора физички да ги носат своите возила во сервисниот центар.
Сепак, ова не е единствениот предизвик со кој Tesla се соочува во моментов. Американската Национална управа за безбедност во сообраќајот (NHTSA) започна паралелна истрага во која се вклучени дури 2,6 милиони возила на Tesla.
Причината за оваа истрага се извештаите на возачите кои тврдат дека системот за далечинско управување на автомобилот не остава доволно време за да се избегне судир.
Посебно загрижува фактот што оваа нова истрага беше покрената само неколку месеци откако NHTSA веќе започна истрага за 2,4 милиони возила што користат софтвер за самоуправување (FSD), по четири пријавени несреќи, од кои едната беше фатална.