Компанијата Tesla го одбележа производството на два милионитиот електричен автомобил во гига-фабриката во Шангај, која ги произведува возилата Model 3 и Model Y.
Tesla Giga Shanghai започна со работа кон крајот на 2019 година, по брзата изградба, која започна на 7 јануари 2019 година. Првично, производството беше само за Model 3, но кон крајот на 2020 година / почетокот на 2021 година, Model 3 влезе во производство и продажба.
Првиот милион фабриката го произведе во август 2022 година, во рок од 33 месеци, потсетуваат од компанијата. Вториот милион е постигнат за само 13 месеци.
Кумулативното производство на Tesla (сите фабрики) моментално е околу пет милиони единици, што значи дека Шангај е веќе одговорен за две петтини од сите Tesla.
Фабриката на Tesla во Шангај е најголемата фабрика за производство на целосно електрични автомобили во светот, со инсталиран производствен капацитет за кој се верува дека надминува еден милион единици годишно.
Во моментов, во фабриката се произведува главно Model Y (околу двојно повеќе од Model 3). Неодамна фабриката започна и со производство на значително освежениот Model 3.
Кинеската фабрика првично беше фокусирана на локалниот пазар, но подоцна стана главен извозен центар на Tesla, поддржувајќи ги околните пазари, како и Европа, а од неодамна и Канада.