Тестенини со туна и зеленчук, многу едноставно и вкусно јадење.
Состојки:
(за 2 лица)
– 130 гр исцедена туна
– 400 гр сечкани домати
– 1 главица кромид
– 3 чешниња лук
– 1 брокула
– маслиново масло
– сол, бибер
Подготовка:
Ставете ја водата да зоврие во сад и потопете ги во неа доматите една минута.
Извадете ги и излупете ги и исечкајте ги на парчиња.
На маслиново масло пропржете ситно сечкан кромид, додадете го издробениот лук и динстајте уште малку.
Потоа додадете ги сечканите домати и динстајте околу 15 минути. На крај додадете ја исцедената туна.
Сол и бибер по вкус.
За тоа време варете ги тестенините во солена вода. На крајот од варењето на тестенините додадете ја брокулата исечкана на цветчиња и сè заедно сварете до крај и процедете.
Додадете ги тестенините и брокулата во садот со доматите и туната и сè убаво измешајте да се соедини.
Послужете во длабока чинија и лесно прелијте со маслиново масло.