“Ако Велика Британија ја напушти, тогаш и Шкотска ќе го напушти” отсече Брисел
Надежите на Никола Стџжен да добие поддршка од европските лидери за зачувување на Шкотска во ЕУ претрпе тежок удар, откако шпанскиот премиер предупреди дека “ако Велика Британија ја напушти, тогаш и Шкотска ќе напушти”, пишува весникот The Guardian.
Говорејќи во Брисел, каде што првиот министер на Шкотска одржи серија состаноци, и лобира за Шкотска, претседателот на Европската комисија, Жан-Клод Јункер изјави дека ќе го ислуша со задоволство случајот на Стрџен, но не е во позиција да разговара за иднината на Шкотска одделно од тоа на Велика Британија.
По состанокот со претседателот на европскиот парламент Мартин Шулц, таа изјави: “Шкотска е решена да остане во ЕУ. Не ја потценувајте ниту предизвиците кои седат пред нас, додека се обидуваме да најдеме пат “. Шулц изјави дека за време на средбата “слушал се “.
По средбата на лидерите на ЕУ во Брисел, премиерот на Шпанија Маријано Рахој беше категоричен: “Шкотска не располага со надлежностите да преговара со ЕУ. Шпанија се противи на секакви преговори со кој и да е друг од Владата на Велика Британија “. Стрџен изјави дека не е изненадена од шпанската позиција, додавајќи:” Јас сум должна како прв министер да најдам начин да биде изразена демократската волја на Шкотска ” .