Актерката Гвинет Палтроу неодамна се појави на суд во врска со обвинувањата на пензионираниот лекар Тери Сандерсон дека во 2016 година предизвикала несреќа на скијање и дека во таа прилика му нанела повреди кои оставиле последици по неговиот живот и здравје.
Сандерсон побара отштета од 300.000 долари за „повреда на мозокот, четири скршени ребра и други сериозни повреди“. Во меѓувреме Палтроу поднесе противтужба, барајќи надокнада на правните трошоци и отштета од 1 долар.
Откако двајцата сведочеа, Гвинет ја доби судската битка, а Сандерсон беше прогласен за „100 отсто виновен“.
Како што пренесуваат странските медиуми, покрај слушањето на сведочењата и увидот во доказите осум дена, поротата во четвртокот заседаваше два часа, по што пресудите беа дека актерката е невина, и добила еден долар како отштета и дека Сандерсон мора да ѝ ги плати судските трошоци.
После тоа, на интернет се прошири видео на кое актерката нешто му шепоти на човекот кој ја тужеше.
„Ти посакувам добро“, му рече Гвинет и ја напушти судницата.
After a jury finds her not at fault, Gwyneth Paltrow appears to whisper “I wish you well” to Terry Sanderson, the man who sued her over a 2016 ski collision in Utah. pic.twitter.com/8veYt0gQIk
— The Recount (@therecount) March 30, 2023