Американската Match Group, сопственик на апликацијата за запознавање Tinder, објави за време на повик со инвеститорите дека постепено ќе воведува нова функција базирана на вештачка интелигенција по падот на претплатниците за седум проценти на годишно ниво во третиот квартал од 2025 година.
Бројот на претплатници на апликацијата Tinder опаѓа девет последователни квартали, а Match Group сака да го промени трендот со функција наречена „хемија“, која ќе им поставува прашања на корисниците и, со нивна дозвола, ќе анализира фотографии од галеријата со телефони што не се јавно споделени за да дознае повеќе за нивните интереси и карактер.
Доколку вештачката интелигенција, на пример, забележи дека корисникот има фотографии од пешачење во галеријата, може да го поврзе со потенцијален партнер кој дели слични интереси, објави Tech Crunch.