Орце Тодоровски, чие име беше спомнато од политичката партија Левица, ги демантира обвинувањата дека бил обвинет во предметот „Делчевски ниви“. Како што тврди во испратениот демант, тој бил само осомничен и никогаш не била поведена судска постапка против него.
„За предметот Делчевски ниви, Орце Тодоровски е ослободен од одговорност и спрема него не е покренато обвинение ниту пак се води судска постапка. Невистинито е тврдењето дека Тодоровски е дел од сопственичката структура на бензинската пупма “ОИЛ ДЕ ” во Делчево. Истиот не е во деловни или роднински врски со лицето Дарко Ќурчиски.
Невистинито е тврдењето дека Орце Тодоровски самостојно или заедно со Дарко Ќурчиски препродавале ниви.
Невистинито е тврдењето дека Тодоровски има раководна позиција во јавниот сервис МРТВ која му овозможува да доделува тендери. Орце Тодоровски ниту е ниту пак некогаш бил одговорно лице во МРТВ“, се додава во демантот.
