Американскиот производител и моден дизајнер Tommy Hilfiger пушти линија облека наменети за деца со посебни потреби, во партнерство со здружението “Ранавеј оф дримс”, пренесе Франс прес.
Облеката е опремена со копчиња со магнети.
Колекцијата вклучува 22 модели детски облека, дизајнирани така што се исти како оние во постоечка линија “Tommy Hilfiger Kids”.
И цената им е иста, се вели во соопштението на Tommy Hilfiger.
Создадени се панталони и кошули кои децата можат да ги закопчуваат со помош на систем од магнети, замена за традиционалните копчиња. Манжетните сепак се зашиени врз панталони и кошули, за да им го дадат вообичаениот нивен изглед. Системот со магнети е прилагоден исто за фустани и маици.
Новата линија на облека е создадена во соработка со здружението “Ранавеј оф дримс”, основана од Минди Шире, која е мајка на три деца и не можела да најде облека за нејзиниот син, погоден од мускулна дистрофија.