НБА: Toронто му ја симна круната на Голден Стејт (видео)

Кошаркарите на Торонто станаа шампиони во НБА лигата за првпат, откако ноќеска во гости во Оукленд, го совладаа Голден стејт со 114: 110 и славеа со вкупно 4:2 во финалната серија.

По брејкот во Оукленд, Торонто ја симнаа круната на Голден стејт и тоа како први што три пати славеа на терен на поранешниот шампион.

Вориорсите не успеаја да се изборат со бројните повреди.

Томпсон (Голден стејт) со 30 поени беше најефикасен на натпреварот, Андре Игудала со 22, а кај репторси – Кајл Лори и Паскал Сиакам со по 26 поени.

Првата ѕвезда на Торонто, Каваи Ленард, со 22 поени, беше прогласен за МВП на финалето по вторпат во кариерата по 2014 година кога играше во дресот на Сан Антонио.

https://www.youtube.com/watch?v=X4USsy7RWN8