485
Брз ручек за топлите летни денови.
Состојки:
– 1 тортиља
– 1 мала конзерва туна
– 1 домат
– 1/2 пиперка
– 1/2 авокадо
– 1/2 лажичка лук во прав
– малку сок од лимон
– сол и бибер по желба
– свеж магдонос по желба
Подготовка:
Ставете ја тортиљата на рамна површина и додадете на неа половина од авокадото. Изгмечете го авокадото со вилушка и зачинете со сол, бибер, лук во прав и малку сок од лимон.
Исцедете ја туната од маслото и премачкајте ја врз авокадото. Доматот и пиперката исчистете ги и исечкајте ги и додајте ги во тортиљата.
По желба можете да додадете и малку свеж магдонос.
Доколку сакате да ја зголемите протеинската вредност на оброкот, во тортиљата додајте варен конзервиран грав, леќа или наут.
Свиткајте ја тортиља и уживајте во брзиот ручек.