Во текот на изминатите месеци, јапонската компанија често е тема во јавноста, пред се поради немањето волја да се префрлат на целосно електрични автомобили на глобално ниво, бидејќи сметаат дека хибридниот погон е подобра опција. Сепак, во Европа ќе треба да ги отстранабензините и хибридите од понудата, а сега најавија дека ќе бидат подготвени за оваа транзиција.
Мет Харисон, главниот оперативен директор на јапонскиот производител на автомобили, рече дека Toyota не го поддржува предложениот стандард Еуро 7 од Европската унија, кој ги принудува производителите на автомобили да ги намалат просечните емисии на јаглерод диоксид во нивните флоти за 55 отсто до 2030 година во споредба со нивото од 2021 година.
Дополнително, тој не очекува дека нормата ќе биде целосно укината, туку таа ќе биде омекната на „некое пореално ниво“. Во врска со ова, и Германија и Италија ги изразија своите забелешки за првичниот план за забрана на продажба на бензински и дизел мотори од 2035 година, со нацрт кој ќе овозможи е-горива.
Што се однесува до забраната за продажба на нови автомобили напојувани со фосилни горива, Харисон рече дека Toyota ќе биде подготвена исклучиво да продава целосно електрични автомобили на европскиот пазар од 2035 година. Според неговото мислење, уделот на електричните автомобили во продажбата ќе скокне од 0 отсто во 2022 година на 15 отсто во 2025 година, односно на 55 отсто во 2030 година.
Сепак, тоа не значи дека Toyota наскоро ќе се откаже од алтернативните погони. Јапонската компанија ќе продолжи да продава хибриди, plug-in хибриди и возила со погон на водород во следната деценија, бидејќи планот е да произведува 1,7 милиони електрични автомобили годишно од 2030 година, а вкупното производство кога ќе се додадат возилата на бензин, хибридните и на водород, треба да достигне 3,5 милиони примероци.