Toyota планира да лансира уште еден од своите целосно електрични модели bZ, помал SUV, следната година.
Овој Urban SUV, концепт кој Toyota го промовираше на форумот Kenshiki во Брисел, служи како најава за неговиот изглед.
Серискиот модел (можеби наречен Toyota bZ2X) ќе пристигне во 2024 година и е еден од шесте електрични модели кои Toyota ќе ги има во својата европска гама до 2026 година.
Во однос на димензиите, теренецот е долг 430 cm, широк 182 cm и висок 162 cm, а „седи“ на тркала од 20 инчи.
Сè уште нема слики од внатрешноста, но се очекува да ја следи темата bZ4X, со голем централен екран на допир, релативно мал волан и високо поставена дигитална инструмент табла.
Toyota Urban SUV conceptне открива конкретни технички детали додека серискиот автомобил не пристигне во првата половина на 2024 година, иако вели дека ќе се нуди со избор од две батерии и погон на две или четири тркала.
Неофицијално, се очекуваат батерии од 50 kWh и 70 kWh, со домет од околу 370 km и 485 km, соодветно.
Покрај тоа, Toyota повторно го покажа концептот Sport Crossover, веќе претставен на почетокот на оваа година на саемот во Шангај.
Сега, сепак, потврдено е дека овој концепт ќе еволуира во сериски автомобил кој ќе стигне и на европскиот пазар.
Спортскиот кросовер (долг 490 см) не заменува директно ниту еден актуелен модел, туку доаѓа како сосема нова понуда и ривал на Volkswagen ID.7.
Автомобилот е развиен во тандем со партнерот на Toyota на кинескиот пазар, BYD, кој најверојатно ќе ги снабдува неговите батерии, како и за седанот bZ3 во Кина.
Техничките детали најверојатно ќе бидат објавени за околу една година, кога Toyota ќе го претстави серискиот автомобил и ќе го открие неговото име (се очекува во продажба на почетокот на 2025 година).