Трагедија на македонските патишта: 21-годишник загина во сообраќајка

Млад велешанец го загубил животот откако со возилото излетал од експресниот пат Кочани-Штип, информираат од полицијата.

На 31.07.2024 во 09:50 часот во Полициската станица Кочани било пријавено дека на експресниот пат Кочани-Три чешми, на клучката за с.Спанчево, патничко возило „фиат стило“ со гевгелиски регистарски ознаки, управувано од Г.К.(21) од Велес, излетало од коловозот.

Од здобиените повреди на местото на настанот починал возачот, а од страна на лекар од Итната медицинска помош констатирана била смрт.

-По наредба на Јавен обвинител телото на починатиот било дадено на обдукција. Извршен бил увид од увидна екипа од ОВР Кочани, стои во соопштението од МВР.