Трагедија во Тајланд: Ветер сруши покрив на училиште, меѓу жртвите најмногу се деца

Шест лица, меѓу кои четири деца, загинаа во понеделникот кога олујни ветрови го срушија металниот покрив на основно училиште во северниот дел на Тајланд.

Официјални лица објавија дека 18 лица се хоспитализирани, јавува „Асошиејтед прес“.

Како што е наведено, загинале еден родител, чистачка во училиштето и четири деца.

Учениците побарале засолниште од невремето под покривот на центарот за специјални активности во училиштето, кој се урнал, соопшти канцеларијата за заштита од природни катастрофи во провинцијата Фишит.

Метеоролозите претходно предупредија дека обилните дождови ќе ги погодат северните делови на Тајланд оваа недела, а понеделник беше официјалниот почеток на сезоната на дождови во јужноазиската земја.