Американскиот претседател Доналд Трамп го нарече американскиот актер Џорџ Клуни „филмска ѕвезда од втор ред“, а интервјуто на двократниот оскаровец за „CBS News“ во неделата вечерта го нарече „целосно претенциозно“.
– Зошто мошне дискредитираното шоу „60 минути“ сега би направило целосно „претенциозно парче“ за Џорџ Клуни, второкласна филмска „ѕвезда“ и неуспешен политички експерт. Напорно се бореше за изборот на „Заспаниот Џо“, а потоа веднаш по дебатата го остави како куче. „Подоцна, претпоставувам, по налог на таборот на Барак Обама, тој даде се од себе за Камала Харис, за брзо да сфати дека ова нема да испадне премногу добро“, напиша Трамп на својата платформа „Вистина“.
Американскиот претседател додаде дека емисијата „60 минути“ со измама вметнува лажни одговори во „катастрофално интервју“ со Харис, кое се емитуваше непосредно пред изборите, во, како што рече, „еден од најсрамните и најнечесни настани во историјата на радиодифузијата“.
А сега повторно Џорџ Клуни? Неговиот прес-агент треба да направи богатство!, рече Трамп.
Клуни се појави во „60 минути“ за да ја промовира својата нова драма на Бродвеј „Добра ноќ и среќа“ и, меѓу другото, зборуваше за својата одлука да ја повлече поддршката за поранешниот претседател Џозеф Бајден, а истовремено ја критикуваше и администрацијата на Трамп.