Трамп се сретна со генералниот секретар на НАТО

Генералниот секретар на НАТО Марк Руте се сретна со новоизбраниот американски претседател Доналд Трамп во Палм Бич, во Флорида, објави портпаролката на Алијансата Фара Дахала, наведувајќи дека разговарале за безбедносни прашања.

Според информациите, средбата се одржала во петокот.

– Имаше разговори за широк спектар глобални безбедносни прашања кои се однесуваат на Алијансата – рече Фара Дахала.

Како што забележува Ројтерс, НАТО не одговори на барањата за коментар во врска со извештајот на холандските медиуми дека Руте, поранешниот премиер на Холандија, отпатувал во САД со државен авион за да се сретне со Трамп.